Friday , 24 February 2017

Bakirisito murarye muri menge kuko muramutse mutitondeye bamwe mubavugabutumwa n’abahanuzi bo muri iyi minsi bashobora kubacucura n’utwo mwari mufite twose . UBUHAMYA .

Yesu arabasubiza ati :“ Mwirinde hatagira umuntu ubayobya. ( Matayo 24:4 ) . Musengeshe umwuka iteka mu buryo bwose bwo gusenga no kwinginga, kandi ku bw’ibyo mugumye rwose kuba maso, musabire  abera  bose ( Abefeso 6:18 ).

Nongeye kubasuhuza bene Data dusangiye gucungurwa n’Umwami wacu Yesu Kirisitu. Uko amatorero n’amadini atandukanye arikugenda yiyongera ninako abakozi b’Imana n’abahanuzi bari kurushaho kwiyongera. Kwiyongera kwabo sicyo kibazo ahubwo ikibazo  ni uko hari bamwe barigukoresha ubwesikoro ( Escroc ) cyangwa se ubushukanyi, Ubwambuzi…

Bakirisito murarye muri menge kuko muramutse mutitondeye bamwe mubavugabutumwa n’abahanuzi bo muri iyi minsi bashobora kubacucura n’utwo mwari mufite twose .

Tugiye kubagezaho ubuhamya bwabamwe mu baganiriye n’ikinyamakuru cyanyu Ibyishimo.com kubyababayeho ndetse n’ibyo babonye babasha kuduha ubu buhamya bukurikira :

- Ati :” Nari nasengeye mu itorero rya hano mu mujyi wa Kigali rwagati , uyu mu Bishop muranyihanganira simvuga itorero iryo ariryo ndetse n’amazina ye , nahateraniye kuko hari mugenzi wanjye wari wandaritse ngo mubere umushyitsi, twagize ibihe byiza mu buryo bw’Ijambo ry’Imana, tugera mu mwanya wo gusengerwa.

Icyifuzo Bishop yari agiye kudusengera ku Mana kwari ukugira ngo Imana iduhe  amafaranga ( cash z’ubwoko bwose ) ,  ubwo rero twarahagurutse ariko icyibazo  cyabaye yadusabye ko buri wese afata inoti ( Amafaranga ) nkuru afite mu   mufuka we   akayishyira hejuru maze akadusabira   amafaranga, njye   rero nahise mbona   agakino  kagiye kuhakorerwa , iyo nari mfite ( inoti )  nanga kuyishyira hejuru, umu mama twari  twicaranye ansaba ko yampa iyo nshyira hejuru ndanga ansaba ko twafatana kuyo yari afite ndanga icyakurikiyeho rero Bishop arangije gusenga yadusabye ko buri wese iyo noti yazamuye hejuru tujya kuzijugunya kuri Alitali ngo kuko ahumanye Imana igiye kuduha amazima, cyakoze hari abavumbuye ako gakino banga kuyahajyana havuyemo umubare mucye wayajyanye maze akabasiga kuri yamavuta bita ayo umugisha. Aha nabasaba kujya mubanza mukagenzura neza .”

Apôtre Chris Chukwuka wo muri Nigeria akunzwe gutumirwa mu matorero menshi yo mu Rwanda , kandi azwiho kuvuga imibare ya telefone ndetse n’amazina y’abavandimwe b’abantu ari guhanurira . Gusa abikora wabanje kumuha ituro.

- Ubu ni ubuhamya twahawe   n’umugabo  n’umugore we  bamaze imyaka 10 batabyara , nkuko   babisabye umunyamakuru  wacu  twabahinduriye amazina ( Umugabo  twamwise John,  umugore ni  Alphonsine ) .

John  yaduhaye  ubuhamya bwe  agira  ati “ Sha  abarokore   muri abe  Escro njyewe  hari   umugabo   naringiye guhamagarira Police arancika, ubu njye  n’umugore wanjye tumaze imyaka 10 tutabyara kandi iyo dusenze Imana itubwira ko izaduha urubyaro, ijoro rimwe twararyamye mu gitondo Camera zanjye zesitaye ku nzu zanjye zinyereka umugabo nabonaga atwaye bibiliya ataba ibintu muri Jaride ( Jardin ) twagize amatsiko tujya kureba ibyo aribyo dusanga ni agasashi karimo inzara, agatwe ka kanyoni, udusatsi twinshi, n’akaziriko kaziritseho amapfundo 21……, tubibwiye Pastor  ( soma Pasita ) wacu atubwira ko twongera tukabisubizayo ko ubwo uwo ari umuhanuzi ushaka kuzaza kutubeshya, John yakomeje adutangariza ko hashize nk’ukwezi kumwe wamugabo yagarutse ababwira ngo aturutse mu karere ka kure twagize ibanga ati“ Imana yabantumyeho hari amarozi mu miryango babaroze niyo mpamvu mumaze imyaka 10 mutabyara, yaraje atujyana muri Jardin arasenga atwereka aho ducukura ( ni hahandi yari yaratabye ka gasashi ) dukuramo bya bintu byarimo icyadutangaje ni uko kakaziriko kari kaziritseho y’amapfundo 21 ngo byavugaga no tuzabyara ari uko hashize imyaka 21, kandi aho yabivugiye twabyaye nyuma ya 12, twarasetse muzaniye amashusho y’ibyo yakoze yadusabye imbabazi maze turamubabarira gusa twabanje kumwereka abaturanyi n’inshuti dusengana. ”

Yasoje ikiganiro twagiranye yibutsa abakirisito bagenzi be kwitondera abahanuzi babahanurira kandi bakagenzura ubuhanuzi babahanurira bakamenya niba koko buturuka ku Mana. Nanjye ndagira nti“ Mwirinde abahanuzi b’ibinyoma baza aho muri basa n’intama, ariko imbere ari amasega aryana. ( Matayo 7:15 )

- Uyu nawe twamuhinduriye amazina tumwita Joseph ni umusore asengera muri Methodiste libre, ni umu Directeur w’icyigo  muri Rusizi we ngo ni Groupe yasengeragamo harimo umukobwa utarize basenganaga muri iyo Groupe, abonye ko ari umukene aramufasha amugurira imyenda udukweto yabikoze kuko ari umuvandimwe bahuje gucungurwa, ariko uwo umukobwa akaba yari yarakunze uwo musore, icyo gihe yari mwarimu muri Secondaire, nyuma yaje kwimuka ajya gukorera ahitwa Bugarama muri Rusizi icyakurikiyeho rera uwo mukobwa yabonye ntaho bahuriye nuwo  musore akajya amutumaho abantu ariko mu buryo bw’ubwenge agatuma umumama ngo Imana hari umusore Ishaka kugutumaho ati” ugende umubwire ngo umugore muzabana ni….

Akivuga amazina ariko agakoresha uburyo bwose ntibamenye ko ariwe, noneho hari nabo yatelefonaga nijoro akabohereza, hari nuturanye nuwo mu directeur yamutumyeho, hari nuwo yasanze Kamembe w’umukatolika amumutumaho ngo najyende ni Imana imumutumyeho agezeyo Joseph aramuvumbura amubajije amazina y’uwamutumye asanga niwa mukobwa, aramwiyama amubwira ko yamuvumbuye ngo nubwo bazaga gutyo yarabavumburaga kuko yababazaga uwabatumye bamubwira isura ye akabavumbura ndetse yamushyiragaho n’iterabwoba ngo nibatabana azahura n’ibyago byinshi, nawe yasoje ubuhamya bwe asaba abantu kugenzura ubuhanuzi babahanurira.

- Nyirahabimana J. we yadukangarije hari umupasitori wagiye ku musengera akamusaba ko kugira ngo azabyare ari uko bagomba kubanza bakaryamana maze akamukuramo imyuka mibi ituma atabyara yagize ati” Ibyambayeho sinabona uko mbivuga nabwira aba byeyi bagenzi banjye kwitondera abapasitori bamwe n’abamwe babasengera babakorakora kuko ngo nawe yaguye muri uwo mutego ari uko byagenze.

- Prophet Sultan Eric Uyu nawe ni umuvugabutumwa hano mu mujyi wa Kigali uherutse kuvugwa mu binyamakuru n’ibitangazamakuru bitandukanye hano mu Rwanda , ndetse natwe iyo nkuru twayikozeho. Abantu benshi ntibishimiye uburyo ki impano y’Imana ishobora kugurishwa ibi byavuzwe nyuma yaho asohoreye itangazo mubona kuri iyi Foto.

Bakozi b’Imana mureke Elisa atubere urugero mwibuke ko yanze ifeza Namani umugaba w’ingabo z’umwami w’isiriya yaramuhaye ubwo yamurangiraga umuti wogukira ibibembe yari urwaye, Mwirinde ubwanyu, murinde n’umukumbi wose Umwuka Wera yabashyiriyeho kuba abarinzi, kugira ngo muragire Itorero ry’Imana, iryo yaguze amaraso yayo. ( Ibyakozwe n’Intumwa 20:28 )

- Twaganiriye na Nambajimana Evaliste aduha ubuhamya bw’uburyo yagiye gusengera mu butayu ku musozi ngo bari benshi noneho haza abagabo bane barabayobora muri ayo masengesho baranabahanurira noneho ngo bashyiraho umwanya wo gutanga ituro ryo kugirango Imana ibahe umugisha, noneho ngo babasaba buri wese kuzamura igikapu, ibitenge, imipira ngo Imana izabahe amafaranga yuzuye, ati“ twarayatanze mu gutaha babagabo bitegera moto barayajyana, icyo nasaba abantu bajya basengera mu buvumo cyangwa mu bundi butayu butandukanye ni ukwitondera amaturo babakira aho hantu.

Ubu buvumo buherereye ku bice bisataguritse by’umusozi wa Mont Kigali inyuma ureba kuri Nyabarongo

- Aha ho ni muri Nyamasheke ngo hari haradutse umugabo w’umuhanuzi yari yaraturutse ku Gikongoro . Ubuhamya twahawe n’umupasiteri utashatse ko dutangaza amazina ye, yatubwiye ko abakirisito bari bamaze kumushiraho bakigira kuri  uwo mugabo wabahanuriraga ari uko bagiye bikoreye amaturo (Imyaka, amafaranga) ngo wasangaga hari abantu benshi, yatubwiye ko ubuyobozi bw’itorero n’inzego z’ibanze bafashe icyemezo cyo guhinyuza ubwo buhanuzi, boherezayo abavandimwe 2 umusore n’umukobwa bagenda biyoberanyije bamubeshya ko barikurambagizanya ngo abasengere niba Imana yemera ko bazabana wa muhanuzi ati“ Rwose kuva mukivuka Imana yari yanzuye ko muzabana ubwo rero wa musore we uyu niwe mugore wawe nawe wa mukobwa we uyu niwe mugabo wawe” bamaze kubona ko ubwo buhanuzi ari ibinyoma bifashishije inzego z’ibanze bahise ko bamwirukana muri ako gace yabagamo bamwohereza iyo yaturutse. Ndabasaba gusenga ariko mugasengana ubwenge.

- Uwitwa Mwamikazi Joselyne atuye Kacyiru nawe yadutangarije ko yigeze kujya gusengera ku musozi wa Kigali ahazwi ku izina rya Mont Kigali, ahasanga abasore ba 2 barigusubiramo indimi baribuze gukoresha bahanurira abantu, yagize ati” Narabumvirije numva umwe arikubwira undi ati“ nitugera mu materaniro njyewe ndajya mvuga nawe usubiremo ubundi duhanure, byarambabaje ndatekereza nti ahantu bagiye gusengera barabapfunyikira. Muri iyi minsi tugezemo nabasaba kumenya mukongereho kwirinda, kwirinda mukongereho kwihangana, kwihangana mukongereho kubaha Imana. (2 Petero 1:6)

Reka dushimire abantu mwese mwemeye kuduha ubu ubuhamya Imana ibahe umugisha kandi tunarushaho  kubabwira ko n’ubwo bimeze gutyo ntabwo abahanuzi, abavugabutumwa bose ari uko bameze , haracyariho abarigukoreshwa n’umwuka wera w’Imana . Icyo musabwa ni ugusesengura neza ibyo mwigishwa ndetse n’Ubuhanuzi muhanurirwa kandi mwirinde gukunda no gushaka ubuhanuzi kurenza uko mukunda cyangwa mushaka Imana.

Niba hari ibyakubayeho aho wasengeraga  cyangwa hari uwo uzi byabayeho , nawe ushobora kuduha ubuhamya bwawe utwandikira kuri Email yacu [ info@ibyishimo.com ] cyangwa ukaduhamagara kuri 0788909800 .

Ntucikwe !! Horana   natwe ukanda hano   like kuri page   yacu ya  Facebook,  Twitter  na Youtube    ukande subscribed   kugirango umenye amakuru agezweho buri kanya unareba amavidewo y’indirimbo zihimbaza Imana , n’ibiganiro by’abakozi b’Imana ugezwaho na Ibyishimo.com.

 

 

Hagenimana Zachée

49,930 total views, 1 views today

12 comments

  1. Ndumiwe rwose biriho najye nagiye ahantu ngiye gusura umurwayi ariko abo bantu ntibakijijwe nuko nsanga uwo murwayi yatumyeho umu past umwe ngo usengera abantu bagakira nuko ndinjira ariko ntampeta nari naje nambaye naje nihuta nza ntayambaye nuko uwo mu pastor aravuga ngo ngo wowe mukobwa ngo humura nubwo ubukwe bwawe bwarimo ikibazo ariko imana irabukoze mubyumweru bibiri kandi aho hantu nari nagiye nibo bantu bambere bantahiye ubukwe nari maze nkimyaka ine nkoze ubukwe sinihanganye naramubwiye ntiwibeshya imbere yabantu bateranye mpita nsohoka uwo mumama aramperekeza ndamubwira nti wirinde cyane uriya arabeshya kubera najye nkijijwe rero natashye ndira nuzuye agahinda ndababwira nti mwige gusenga imana izi ibyanyu kurusha abantu mube maso yesu abahe umugisha

  2. Apotre Samuel Gad Bateur

    Nukubirinda kbs niminsi yimeruka nkuko bibiliya ibivuga.

  3. Ko arihatari wana

  4. Emmanuel Nsabimana

    Reba Burumwe Ari Gushiga Itorero Burumwa Ngo Arahanura Kbs Iherezo Urikurisatirape!

  5. Dusabe M. Françoise

    Ayiwe Mana we tabara itorero ryawe!!!

  6. Ibyishimo.com nkunda inkuru mutugezaho ariko kandi iyo mutangiye guca inyuma ngo ntimuvuga amazina numva mbabaye cyane . Nkubu basengera inote nkuru dufite narindi kwa Bishop Rugagi mu itorero redeemed gospel church biyise abacunguwe , narabababaye cyane ariko kandi ntaha ntazi ko hari umunyamakuru wanyu none ngo ntimushaka kubavuga ??? police nitangire gukorera mu madini niba koko ishimzwe umutekano wacu abanyarwanda kuko ubwambuzi bushukana bureze . ubuse niba hari umuntu wari wazanye amafaranga 1000 aricyo afite n’uduceri agatahana uduceri ategesha ntiyasigariye aho kandi atanatuye bimuvuye ku mutima . mujye mureka ibyo rwose ndabagaye kandi sinzanasubirayo .

    • HAGENIMANA Zachée

      hhhh Urakoze cane Ruth gusa ntabwo aribyizako twahita dutangaza inkuru yose uko yakabaye kuko hari amahame y’umwuga tuba tugomba kubahiriza niyo mpamvu wabonye uwo Apostre tutamushyize hanze kuko haba hari abandi baba bemera ibyo akora gusa nshimye ko nawe wari uhibereye. Thx

  7. ndumiwe rwose biriho najye nagiye ahantu ngiye gusura umurwayi ariko abo bantu ntibakijijwe nuko nsanga uwo murwayi yatumyeho umu past umwe ngo usengera abantu bagakira nuko ndinjira ariko ntampeta nari naje nambaye naje nihuta nza ntayambaye nuko uwo mu pastor aravuga ngo ngo wowe mukobwa ngo humura nubwo ubukwe bwawe bwarimo ikibazo ariko imana irabukoze mubyumweru bibiri kandi aho hantu nari nagiye nibo bantu bambere bantahiye ubukwe nari maze nkimyaka ine nkoze ubukwe sinihanganye naramubwiye ntiwibeshya imbere yabantu bateranye mpita nsohoka uwo mumama aramperekeza ndamubwira nti wirinde cyane uriya arabeshya kubera najye nkijijwe rero natashye ndira nuzuye agahinda ndababwira nti mwige gusenga imana izi ibyanyu kurusha abantu mube maso yesu abahe umugisha

  8. Nyumvira iriya ndangare y’umugore ngo yatuye bitayivuye ku mutima kandi ariyo iba yayavunikiye . Bazayabarya abashiremo kubera ubujiji bwanyu .

  9. biriho cyane ariko musenge musabe umuka w’ubugenzuzi kugirango mujye mugenzura ibyo mubona nta kabuza abahanuzi bukuri bariho ariko nabibinyoma bariho kandi nta gitangaza ibyo na Yesu yarabivuze turii mu minsi ya nyuma dukwiriye kuba maso cyane.

  10. Hariho abanyabinyoma, ariko hari n’abandi bahanura iby’ukuri. Mureke gutera bose amabuye. Ikindi ujye usengera ubuhanuzi uhawe, ubugenzure. Impano y’ubuhanuzi iriho kandi irakora, n’abakozi b’Imana bazima bariho, ariko hariho n’abi binyoma. Erega dusenge iminsi ni mibi!

  11. Umuhanuzi w ukuri ni Bibiriya naho abandi njye narumiwe bariya ntanumwanya bajya bantera kuko njye we
    niba aruko ntabemera bajya banyoberaho
    umugabo umwe kurusengero bajyaga batumira aturutse gitaramo ngo ni umuhanuzi rimwe turi mumateraniro y umugoroba ati wowe muko dore Satani yanyaze ibyawe amashuri yawe n akazi kawe
    abaraho bahise barebana kuko bari banzi nari ndangije University yewe mubuzima sinigeze mba n umushomeri
    bahise bamenya ko ari uw imitwe ntibongeye k umutumira
    ubundi Pr umwe waturutse hanze ati dore Imana igukoreye ubukwe bwise umwaka utaha undi bari kumwe yarumiwe kuko nari narashatse we nahise mbimubwira ko yibeshye ati ndabona ugiye kubyara impanga muri uwo mwaka nabyaye umwana umwe
    Bene data mureke kuyoba musome ijambo ry Imana nibwo buhanuzi bw ukuri

Leave a Reply

Your email address will not be published. Required fields are marked *

*

Facebook

Get the Facebook Likebox Slider Pro for WordPress